လယ်ဝေးမြို့နယ်အတွင်းရှိ သမဝါယမအသင်းသားများ၏ မိုးစပါးစိုက်ပျိုးမှု ကွင်းဆင်းကြည့်ရှု
2025-09-08
လယ်ဝေး စက်တင်ဘာ ၈
ပြည်ထောင်စုနယ်မြေ၊ နေပြည်တော် သမဝါယမဦးစီးဌာန ညွှန်ကြားရေးမှူး၊ ဒေါ်ဆုယဉ်မြင့် နှင့် တာဝန်ရှိသူများသည် လယ်ဝေးမြို့နယ်၊ ကြို့ကုန်းကျေးရွာရှိ ထွန်းပေါက်စိုက်ပျိုးရေး ထုတ်လုပ်ရေး သမဝါယမအသင်းသားဦးအောင်စိုး၏ မိုးစပါး ၅ ဧကတွင် ထိုင်းနှံကောက်စပါးမျိုး စိုက်ပျိုးဆောင်ရွက်ထားရှိမှုအား ကွင်းဆင်း ကြည့်ရှုစစ်ဆေးသည်။
ကွင်းဆင်းကြည့်ရှုစဉ် နေပြည်တော်သမဝါယမဦးစီးဌာန ညွှန်ကြားရေးမှူးက ယခုနှစ် မိုးစပါးစီမံကိန်းအကောင်အထည်ဖော် ဆောင်ရွက်ရာတွင် မိုးစပါးစိုက်ပျိုးဧကအားလုံး ပန်းတိုင် ရည်မှန်းချက် အထွက်နှုန်းပြည့်မီစေရန် ဦးစီးဌာနများ စဉ်ဆက်မပြတ်ကြီးကြပ် ဆောင်ရွက် ရမည်ဖြစ်ပြီး အသင်းသားတောင်သူများက မိမိတို့၏လယ်ယာမြေများ ယခင်နှစ်များထက် စပါးအထွက်နှုန်း ပိုမိုကောင်းမွန်လာစေရန် ပူးပေါင်းပါဝင် ဆောင်ရွက်စေလိုကြောင်း အဖျက် ပိုးမွှားများအန္တရာယ်မှ ကာကွယ်နိုင်စေရေးအတွက်လည်း ပေါင်းသတ်ဆေး၊ ပိုးသတ်ဆေး နှင့်မြေဩဇာစသည့် သွင်းအားစုများကို နည်းစနစ်မှန်ကန်စွာဖြင့် စံချိန်စံညွှန်းများအတိုင်း အသုံးပြုစေလိုကြောင်းနှင့် မြို့နယ်ဦးစီးဌာနမှလည်း စဉ်ဆက်မပြတ်ကွင်းဆင်းကြည့်ရှုပြီး လိုအပ်သည်များအား အနီးကပ်ကြီးကြပ်ပေါင်းစပ်ဆောင်ရွက်ပေးရန် မှာကြားခဲ့ကြောင်း သိရသည်။
မြို့နယ်(ပြန်/ဆက်)
