အောင်လံမြို့နယ် ကန်နှစ်ဆင့်-ရေနံကြီးကျေးရွာချင်းဆက်လမ်းပေါ်၌Submersible Bridge(ဒုတိယပိုင်း)တည်ဆောက်နေမှု စစ်ဆေး
************************************************************************
အောင်လံ စက်တင်ဘာ ၃
မကွေးတိုင်းဒေသကြီး၊ သရက်ခရိုင်၊ အောင်လံမြို့နယ်ကျေးလက်လမ်းဖွံ့ဖြိုးရေးဦးစီးဌာနက ၂၀၂၅-၂၀၂၆ ဘဏ္ဍာနှစ်၊ပြည်ထောင်စု(ငွေလုံးငွေရင်း)ရန်ပုံငွေဖြင့် အကောင်အထည်ဖော် ဆောင်ရွက်သည့်ကန်နှစ်ဆင့်-ရေနံကြီးကျေးရွာချင်းဆက်လမ်းပေါ်၌ Submersible Bridge (ဒုတိယပိုင်း)တည်ဆောက်နေမှု အခြေအနေများကို စက်တင်ဘာ ၂ရက် နံနက်ပိုင်းက တာဝန်ရှိ သူများကွင်းဆင်းစစ်ဆေးခဲ့ကြောင်း သိရသည်။ထိုသို့ ကွင်းဆင်းစစ်ဆေးရာတွင်အောင်လံမြို့နယ်ကျေးလက်လမ်းဖွံ့ဖြိုးရေးဦးစီးဌာန မြို့နယ်ဦးစီးအရာရှိ (မြို့ပြ) ဦးဗိုလ်မင်းနှင့်တာဝန်ရှိသူများက ကန်နှစ်ဆင့်-ရေနံကြီးကျေးရွာ ချင်းဆက်လမ်းပေါ်၌ အရှည်ပေ ၂၀၀ရှိSubmersible Bridge (ဒုတိယပိုင်း) တည်ဆောက်နေမှု အခြေအနေများကိုကြည့်ရှုစစ်ဆေးပြီး ကုမ္ပဏီမှတာဝန်ရှိသူများနှင့်တွေ့ဆုံကာ လုပ်ငန်းများသတ်မှတ်စံချိန်စံညွှန်းနှင့်အညီ အရည်အသွေးပြည့်မှီစွာဖြင့် အချိန်မီပြီးစီးနိုင်ရေးလိုအပ်သည်များ မှာကြားခဲ့သည်။
ဆိုပါ Submersible Bridge (ဒုတိယပိုင်း) တည်ဆောက်ခြင်းလုပ်ငန်းကို ၂၀၂၅-၂၀၂၆ ဘဏ္ဍာနှစ်၊ ပြည်ထောင်စု (ငွေလုံးငွေရင်း)ရန်ပုံငွေကျပ် ၃၅၁ ဒသမ ၀၄၀သန်းဖြင့်Phyo Thiri Kyaw ကုမ္ပဏီက တာဝန်ယူဆောင်ရွက်ခဲ့ရာ ယခုအခါ လုပ်ငန်းများ၆၀ရာခိုင်နှုန်း ပြီးစီးပြီ ဖြစ်ကြောင်း၊ အဆိုပါ တံတားတည်ဆောက်ပြီးစီးပါက ကျေးရွာငါးရွာရှိ အိမ်ခြေ ၁၀၇၅၊ လူဦးရေ ၄၄၆၉ ဦးတို့အတွက် များစွာအကျိုးပြုမည်ဖြစ်ကြောင်း
သိရသည်။

ဆက်လူ