အုတ်တွင်း ဇွန် ၂၃

ပဲခူးတိုင်းဒေသကြီး၊ အုတ်တွင်းမြို့နယ်ရှိ အင်ဒိုင်းစိုက်ပျိုးရေးနှင့်အထွေထွေလုပ်ငန်း သမဝါယမအသင်းတွင်  အောင်နိုင်တိုးစပါး (YSR-1) မျိုးများ Seeder ဖြင့် စတင်စိုက်ပျိုးနေမှုအား မြို့နယ်သမဝါယမဦးစီးဌာန ဦးစီးအရာရှိနှင့်တာဝန်ရှိသူများ ကွင်းဆင်းကြည့်ရှုခဲ့သည်။ အဆိုပါ အုတ်တွင်းမြို့နယ်အတွင်း၌ ၂၀၂၅-၂၀၂၆ ဘဏ္ဍာနှစ်၊ သမဝါယမမိုးစပါးစီမံကိန်းဆောင်ရွက်ရာတွင် မြို့နယ်အတွင်း ကျေးရွာများရှိ  အခြေခံသမဝါယမအသင်းများ၏ သမဝါယမအသင်းသားတောင်သူ ၂၅၄ ဦး၊ မိုးစပါးစိုက်ဧက ၁၅၀၀ စိုက်ပျိုးရန်အတွက် တောင်သူများလိုအပ်သည့် မျိုး၊ သွင်းအားစု များကို သွင်းအားစုကုမ္ပဏီများနှင့် ချိတ်ဆက်၍ မြို့နယ်သမဝါယမအသင်းစုက အသင်းသား တောင်သူများ လက်ဝယ်အရောက်ဖြန့်ဖြူးပံ့ပိုးပေးခဲ့ကြောင်း သိရသည်။